អនិច្ចារ សុំប្រពន្ធរួមភេទមិនបាន សុខចិត្តចង កសម្លាប់ខ្លួន
31-December-2017 | ដោយ ពលមនសិការ
បាត់ដំបង ៖ បុរសវ័យកណ្តាលម្នាក់ បានសម្រេចចិត្តធ្វើអត្តឃាត ដោយចងកសម្លាប់ខ្លួននៅក្នុងផ្ទះ ដោយគ្មានវិចារណញ្ញាណគិតអោយបានវែងឆ្ងាយបន្ទាប់ពីមានកំហឹងដោយសុំប្រពន្ធរួមភេទមិនបានព្រោះប្រពន្ធនៅសសៃខ្ចីគឺទើបនឹងរលូតកូនថ្មីៗដូច្នេះនាងបានបដិសេធ មិនអាចបំពេញបំណងប្តីបាន។
ករណីចង កនេះបានកើតឡើងកាលពីរសៀលថ្ងៃទី៣០ ខែធ្នូ ឆ្នាំ២០១៧ នៅត្រង់ចំណុចភូមិជ្រៃថ្មី ឃុំជ្រៃ ស្រុកថ្មគោល ខេត្តបាត់ដំបង ដោយជនរងគ្រោះឈ្មោះ ទេស ចន ភេទប្រុស អាយុ៣៥ឆ្នាំ រស់នៅក្នុងភូមិ ឃុំ កើតហេតុខាងលើ។
បើតាមការរៀបរាប់ពីស្ត្រីជាភរិយាបានឲ្យដឹងថា ប៉ុន្មានថ្ងៃមុននេះ នាងបានរលូតកូនដោយសុខភាពមានការទ្រុឌទ្រោមនៅឡើយ ដូច្នេះនាងក៏ចង់តែសម្រាកដើម្បីយកកម្លាំងហើយកាលពីយប់មុនពេលកើតហេតុ ស្វាមីរបស់នាងបានសុំអង្វរនាងដើម្បីបានដេកជាមួយ ( រួមភេទ ) ប៉ុន្តែនាងមិនព្រមដោយសារតែខ្លាចទាស់សសៃ ម្យ៉ាងទៀតសុខភាពនាងក៏ខ្សោយផង ទើបនាងមិនព្រមអោយ បញ្ហានេះហើយដែលជាដើមចមធ្វើអោយប្តីនាងខឹង រហូតហ៊ានចង កសម្លាប់ខ្លួន ។
បច្ចុប្បន្នក្រោយពេលចុះពិនិត្យពីសំណាក់សមត្ថកិច្ចជំនាញរួចមក កម្លាំងបានធ្វើការប្រគល់សពទៅអោយក្រុមគ្រួសាររៀបចំធ្វើបុណ្យតាមប្រពៃណីតែម្តង ៕
ចំនួនអ្នកទស្សនា
- ថ្ងៃនេះ10551
- ម្សិលមិញ10851
- សប្តាហ៍នេះ77071
- ខែនេះ192221
- ឆ្នាំនេះ192221
- សរុប20634677